සිංහල අච්චාරුව (Traditional Sinhala Achcharu)

බාගෙට පැහුණු අමු ගස්ලබු ගෙඩියක් අරන්, සුද්ද කරලා පොඩි පොඩි කෑලි වලට කපාගන්න.

රතු ලුණු / අමු මිරිස් ටිකත් සෝදලා ලෑස්ති කරගන්න.බාගෙට පැහුණු අමු ගස්ලබු ගෙඩියක් අරන්, සුද්ද කරලා පොඩි පොඩි කෑලි වලට කපාගන්න. අමු මිරිස් ටික දෙකට වෙන් වෙන්නේ නැති වෙන්න පලාගන්න ගම්මිරිස් / අබ ටික හොඳට පිටි වෙන්නම අඹරගන්න

මුරුංගා පොතු කෑල්ලකුත් තලලා ගන්න ඊට පස්සේ මැටි වළදක් ලිපේ තියලා ඒකට විනාකිරි ටිකක් දාලා ඒක රත් වෙන කොට, කපගත්ත ගස්ලබු කෑලි / රතු ලූණු / අමු මිරිස් ටික (සෑම එකක්ම වෙන වෙනම) විනාඩියක් විතර විනාකිරි එකේ තම්බගන්න.

මේ ඔක්කොම හොඳට ඉඩ තියෙන භාජනයක් අරන් දාලා, ඒකට අපි මුලින් අඹරගත්ත ගම්මිරිස්, අබ, කහ කුඩු ටිකක්, ලුණු කුඩු සහ තලලා ගත්ත මුරුංගා පොත්ත දාලා හොඳට කලවම් කරගන්න ඕන.

ඊට පස්සේ මේ විදියට කලවම් කරගත්ත අච්චාරුව හොඳින් වේලා ගත් පිරිසිදු විදුරු බෝතලයකට හෝ මැටි මුට්ටියක දාලා කල් තියාගන්න පුළුවන්.

Tips: අච්චාරු හදන කොට මැටි හට්ටියක් භාවිතා කරන්න පුළුවන්නම් ඉතා හොඳයි. තෙත නැති පිරිසිදු හැන්දක් භාවිතා කළහොත් මේක වැඩි දවසක් තියාගන්න පුළුවන්.